CDP:   INDIA  CASSETTE  NO. 2

MBEMBE LANGUAGE (OSOPONG)

    SCRIPT 2               NKABHA S CASSETTE

Z’Osomhm kw Oyama omana Omem, casset okorn emeng ekwuri ose kw okaan otima ifor se ofoneja keso chayokaneng otra ididaka se. Ayeng okwu oyonga ittong nya emeng ndo.

Ay: Akem! Emeng ndo elebh olebh ebra eyin odik. Agbak m ewunda

be Ibinokpaabyi oteka ifor s oyo-kaneng okwu otor mina machi Jisus kraist ofa okwu okani mina. Ntori ma be emeng nda ekwuri ke?

Oyama: Ko etana ejibha ejibha. Ko abinim miforo! Mba ajimma be

nteko be Ibinokpaabyi osi oyokaneng machi ke ode?

Ay: Obengana! Otra ose kw Satan obora oyokaneng omana ose kw

ethia ch oyokaneng ereng ekwuke phyawu ndosa ko bungi n chibhi odik okwuri ose kw Ibinokpaabyi otoma asaponga, avaarneng otra agbakidik pe be makpebha oneng pe odik okwuri ayina pe ofa obheki be k mppyibha. Kokponga nem gbe keyeni orenga mmok okwu..kwaneng omane.

Oy: Obengana! Akama ejema okkokka. Odik okwura emana ch Jisos

Kraist Isaiah ogboka odik kogbe kw orikorik ogbra icho arep nnona mfa pra no mman ose nwa.

Emeng: Nwa kommana oneng m mina 3 ice Eche che ekpen Immanuel.

Om: Nwonya keke arengo…wa oben be Jisos Kraist more irem ope

kamina k nso. Ode obra okwu adek, mukwu osi evar che odebha mina marrr kwuna ogbode. Evar che esa kekame.

Ay: Okikonidik!…Ibinokpaabyi oban be ode osenwo. S magbak m

odik mawono? Kogbe kw iwa Jisos omman, okam nkoka ma saneng atima aronga be ke ko mmana?

Oy: Wa okama nkoka ma. Jisos omman k obhon nwa kw mayeri

Bethlehem kirek s Israel kose kw wa ogbakidik, Micah, okiken ogbak. Kose kw Isaiah ogbaki, ominanwa kw ino ojuneng orong motima ibhre s nwa kw mma yeri eche che be Immanuel kw oyini be “Ibinokpaabyi oning omani mina.” Ottomi kw Ibinokpaabyi kw okpen Gabriel owon emeng nda onanga Mary be motima ibhre s okan kefa ch o gbagba kw Ibinokpaabyi. Jisos omman kovusohm kw mayeri “Manger” kobhon kw Bethlehem, ibyi s Micah obeni be mommana. Ibinokpaabyi osseka ifor se marr onwa koyagbin, aneng p arong kasabhi. Oneng obuwa omman kovarsohm wura m ma wonameng p idden.

Om: Kogbe kwuwa Jisos Kraist omman attomi p Ibinokpaabyi

sabhada awoni emeng anang akeri arokoman maben be, “Ikpikpobha ide s Ibinokpaabyi kw oning s ereng, m irek emem otra ochibhi okkokka oning omana ayokaneng”. Attomi mbo aben be, matare Jisos Kraist z ovusohm (Manger), makorn emeng atima afona. S modako babhanga emeng ch ma korno?

             Emeng: Jisus kommana, Jisus komana Jisus komana, Tte m

okorn aleluya!

Om: Nyo ogbe nwo maweni adik ronganeng atan p abin s okwubha

kw ewuchen ch ekpebha, mare edidori che s iwukhi, che etima be eden machina s ibyi s Jisos. Abebe mabra korn emeng otra ottemlebh chechin be. 
Jisos ko mmana, mochin za moto kpobhe…3ice aleluya komana. 

Om: Mina wo kw akera arokiman otra adik ronganeng mareng are

nkoka s emmana ch Jisos.

Ay: Obengana kose kw Isaiah otra Micah magbaki. Ibinokpaabyi ode

okikonineng! Nkoka njo ibra ide ekikoni kpo. Okenaka, okerim be Jisos omman ke jaka den.

Oy: Odemina…Ayeng. Jisos nwa kw okwu ayokaneng okikana, okwu

macha ojakaneng, obra oruk macha aminamba biphyir, ose nwo kw iwu isobh,mina kw obre k eronga, ki for otra icheja k Ibinokpaabyi otra oyokaneng. Joseph oroki Mary imina oteke koba ch k ibhre otima, kose kw otomi kw Ibinokpaabyi keteka be moman nwa kw ogbagba kw Ibinokpaabyi, kw mokana aneng pe  k mppyibha sabe,mma yeri eche  che be Jisos kw oyini be “Jehovah wode okaan” ke bhon cha Hebru, ebhon ch aneng p Israel. Chibhi ch Jisos ode nwa  Ibinokpaabyi, Joseph oroke macha ode nwa kwe yeni. Jisos oreke macha ode nwa kwe yeni. Jisos orke eso onenga otte otra oka, nodosi, osi otohm s itohmbyi s mgbakka omm-min omana otte.

Ay: Wa Nnwer kota?

Om: Ottok kpenakpen f Ibinokpaabyi osi moyagbin obra okpebhi idik

biphyir s ikwuri eronga otra efa ch Ibinokpaayi. Morong ma be Ibinokpaabyi kw oyoki ekpo w ode otte kwe. kw oyini b, ke wa okobok ke kpebha, nnwer s aro oyiyeri, njom ozzizzi otra achibhi osisi, ke wa obra oke obok okpobha aro z temple kwe, osi ndera otra idik s Ibinokpaabyi onanga aneng p Israel biphyir.

Ay: Kose kw idik s agbak ma, nne be odik odekodek kw idden oning

za kw Ibinokpaabyi orengabe ottoma nwa kwe okwu.

Oy: Oh…te mobhanga ke, Ayeng.

Ay: Odeminawo…ototo do m ode  mpini. Pira ocheden neng osi

eppyibha, wa owuri owur obra oninga kofo gboka. Wa obhanga olebh f ekan omana Ibinokpaabyi. Okeri macha Ibinokpaabyi orori be orenga k akpen p ekoka p nwa kwe oruki, okpebhimina odik.

Om: K abra agbaka obengana. Jisos oning omana oka otra otra otte.

Oruk omana be obra osi otohm omana be marima ogbira icho erep okwuma ijop. Oruk akpen p ewurowur ofa otima okoka aneng mbo p naser be oneng mokpokpooruka akpen p wurowur.

Ay: Kw oyini be osisi kwe otra ogbaka dik kwe ereng ose maweni b

taan.

Oy: I wo…Okpebhi kwe otra idik se ikkime tra ayok. Okpebhi kwe

okama eronga otra iyan orire marr osi efa cheche reng ch okam, obra ode okpiso oyeni kw okpebhikwe.

Ay: Mmang be Mahatma Gandhi, otte kw obhon kwamina ofor

akpebhip Jisos Kraist obra ofor nden s adriji. Ode mina?

Om: Edem ch areng akama eronga chidik edak mo! Enhe, Gandhi

oyeri nwer s Ibinokpaabyi ejebha-ejebha obra osi idik s Jisos Kraist ogbaki “k ekabha ch ogbeso” nya ekabha ndo ch more efa ch Ibinokpabyi chnwa kwe okam.

Ayeng: Obebh…Ama mbre nnori Bible adek ofa nyeri.

Om: Makame…Oneng kpenakpen moyeri Bible. Bible oyak eden ch

oneng mokema. Oyagbin otra Satan. Otima aneng eden ch ma aruka akpen p awurowur machina kobhon kw Ibinokpaabyi. Ovaar David kwode otimatte kw Jisos okkeri k nwer s ameng be “Ogbakadik kwo ode oturikeng k a kam k ntuki obra ode iyaan k akam k eden”. Jisos oben be, “Ama wu nde edem, akpen otra iyaan.” Jisos obra oben be, “Oyokaneng ochatok fefe mokpo otima oruk akpen, kw oyong be moruk k ogbakadik kpenakpen kw oyini k ema ch Ibinokpaabyi.”

       Jisos ode eden odik okkokka omana kpen oneng kpenakpen kw otore  kwuna odek mope.

Ay: Emeng lebhada. Okenaka, nkama demadema… ma amina ko

bhon, mokama ekpo-kpobha sabha-nsabh. Abede b iphyir abeni be maatimo achina z obhon kw ereng oda tori nden sabe.

Oy: Mabeni emma mina, okenaka, te odik kw obre odik ottano. Jisos

no kwa bo kw osi eden ch ettok kpobha of ode nya otibha aneng eden ch ebra china z obhon kw ereng. Ke no bra kwu ofa otibha aneng achibhi p eronga ch aneng matima ateka irem s eppjbha, masi itohmgboka otra ifor obhibhim ofodenk erima asa marr makama ekana. Ibinokpaabyi oreng k e kwa ch Jisos okwa macha oyokaneng. Ofa ogbaka odik onanga aneng kose kw motani be. Okwuri osenwo oruk akpen macha okaan oti-bha aneng den ch ekana. Oyaki okoka aneng ose kw Ibinokpaabyi ode ofa oyokaneng obra okwn okama ekan omane. Ke wosi pira Jisos oben be aneng mbo pke ara nka Ibinokpaabyi oyeni kw ode otte ara.e

Ay: Oh…oh… kwoyini be aneng Ibinokpaabyi p wa agbaka idik

ananga aneng okwuri Ibinokpaabyi masabhosbh. Okenaka Jisos ode Ibinokpaabyi kake k ifor. Ma z moboni be aneng mbo akpen se p Ibinokpaabyi o?

Oy: Ode odik okkokka…M mokpo obhim. Bible orengi mok ogbak

be. Aneng p Ibinokpaabyi sabha-da akpebha anengodik okwuri Ibinokpaabyik igbe kigbe mabra asi efa kose kw ma ayaki ejibha che akoka aneng. Okenaka nke kakpo ayaki obenga na kabe k efa. Okwuri ose nwo Jisos Kraist okwu macha otim eden okkokka obra oben be ke wode okera arokoman okkokka kwobra oruka akpen p okera arokoman okkokka. Ke obra oben be machi okera arokoman okkakka, ke monenga akpen keso ch arokoman of maainga eden aten, maninga abra ape.                                                                             

Jisos obeni be, Amma wunde okera arokoman okkokka, amma wu nde bread kwakpen amma wunde iyaan s oyagbin

Om: Trotra, Jisos obeni be ke wode echirin okkokka, okaneng pe

made achibonga. Ke obeni be okaneng pe otok makpo asi odini kefa che noda.Ofa mosi ejibha okema Satan otra adik tte ma pe motima ekema oyin k iyan, oyok-neng mophe nnem kake.

Ay: Nwonya kamotana. K nkonga be mkpobha ekpo nsi ifurafruradik.

Okenaka okarimokara be nkeri ettem cham ch et im m ntto k mp pyibha. Yina kw kam otana fosi pira ntto. K ose kw nkong, mina kw ngwum mfona k mpina.

Oy: S machibhi odik okwuri blomblom kw make iwongo? Ode

mayeke amana kasi otta be kp osh! Mina kw ettem ede k ogbe kw aben ba-tima efa cho ekere. Metta be kposh. Otra ekpo sabhada p erori otra ayekiyeki k ettem.

Om: Kere! Jisos Kraist obem akaneng Hospital b ma kpebhi idik kake.

Obeni be ode ntt em samina n macha nttem s ivava nida, nk obhon kw Ibinokpaabyi mokpo odim. Ivava idik eso k arong. Makama ididaka obengana, makama isisera be gbeng. Jisos ochi eja k ivava igban. Oror ekan ch abe. Ode ivava akorni emeng okwuri Jisos, elebhi ebhanga. S modako babhanga emeng nda?

  

Jisos ndake e oyonga otte kw  obhoni me, ndake e oyonga oka kw omani me.

Oy: Ayeng…ode moteka ifor s mina oke k oyeki-yeki kw. Oyagbin

otra demadema kwe, nya wo kw mokorni mina, ifor mmem mina mote odik ochichibhi okwuri Ibinokpaabyi. Ode od mina ose nwa, Jisos oyini mina stt em b moteka obhon kw Ibinokpaabyi k efor sika otra isisera s ivava akam. Obe ode nn mina noda oneng k obhon kw Ibinokpaabyi mokpo dim.

Om: Jisos obra oben be, “Cheden arora obhon kw Ibinokpaabyi otra

otitor kwe nya wo kw moteka ekpo biphyir otrotra.”

Ay: Kwoyini be, ode oneng orori Ibinokpaabyi otra ididaka se…obra

okonga b osoka ididaka njo moyagbin, ke monenge njibha s orori biphyir. Ntori ma?

Oy: Obengana!…Jisos otima ididaka otra ikwo-sisi osi akemakema

abina, osi akpechen are iyan, osi akpittong abhanga obhanga odik, odena akpo-gima obok mawur…oriki mbengo…Jisos okama efa oyonga okemana kpenakpen otra agbagba-tema omana afraneng.

Om: Tte ntro edik va nya. Kogbe maweni kw Jisos ogbako dik onanga

akaneng pe obeni be, “Kpenamkp-en f abebhi k eche cham  mnsosi ofa otte oteka ikpikpobha k nwa kwe. Ode abebhi otok kpenankpen k eche cham mnsosi.”

Ay: Oddo jibh ose nwo. Ke monenga anong mbo pabe-bhe otok

kpenamkpen k isisera kefa che… kw ne e ma ode.

Oy: Enhe, ayeng …okama idik otra k ittohm s osi onenga oyoka neng.

Wa okama aneng sabhada s obhon kw ayi s itema iwu p mabhumobhum. Ode aneng p ateka atax, azzazza, akerabhon kpuka otra appyibhaneng. Okenaka Jisos oben be ke oma kwe mobhen okpora aneng p atori ke, aneng p atore odiongibhang be mogwu, okwo be mobra okama.

Ay: Ke mosi idik nja rawura chema wo?

Om: I wo,  Bible obeni be Jisos okwu moyagbin bokwu okana

appibhaneng. Odik kw orenga be kidam kidam pra okwu kewo nya.

Ay: Oddo jibh…Okenaka oneng okpokpo okanga be Jisos okama

ididaka omana aneng p ade aso p aju abhumobhum. Nchibhi be otok nvo v osi pra ade aso awuna Jisos.

Oy: Ode mina. Ijio so isi otom kebherkebher. M awune… Matina

osodebha atore. M ayere oyokodik kobh kw appibha neng otra achidimaneng…Okenaka-aronga odik kw ogbaki ma?

Ay: Ototo gbak m ebherebher.

Oyama: Obeni be akerabhon kpuka, akeka tax otra appibha-neng

mmadim k obhon kw Ibinokpaabyi; otena adaso nnona oben be “M machina k obhon kw nkpon. K ibyi s ma abhom ameng mabbin asa kayok.”

Ayeng: Oh, odik k ogboka otra etong tiora. Ode odik okkokka be

aneng p abhumi Jisos machina k obhon kw mkpono?

Oy: ode mina k odik okkokka Ayeng. Jisos obeni be aneng mbo p

abhumi ke m mabe aponga kotok kpenankpen f Jisos okpebhi okwura aponga k ekponga nem wu.

Ay: Okpena be ke be otioka kw idden. Mina rengo?

Om: Benga idiodioko? Ma agbrakam minaa! Okama otok odekodek f

osi pira ma agbrakam. Chibhi chima bhumi Jisos, aneng sabhada ateka Jisos macha okpebhi. Adaso mabeni ma achubhucbha ad ateka okp ebhi kw Jisos. Ma rong be Jisos wode okaan kw Moses otra abgakidik mbo za magbaka odik okwuri. Ma abra are be Jisos okama efa ch Ibinokpaabyi.

Oy: Kose kw iwu ifon, mina wo kw aneng ammini atore, ma bina k

ikamana mabra ateka nkana k idik s iyini be.  Okama aneng p akpen pe otra efa che echi be eja. Otra ogbakadik kwe kw ikwo osisi. Ogbe k otek, odik kw idden oyin kw osi ade aso mabina ayine be.

Ay: Ototo gbak m, bongo dik wo?

Oy: Oduduka kaduka, ayeng.

Ay: Okwurimb eng? Kowa arengi mmok aben m be te mmanga odik

ebher-ebher, te nninga ebher-ebher ngbaki. K mmanga, nyongi hong ka.

Om: M nchina ororo. Lazarus ode eyokodikobh ttem ch Jisos. Jisos

okwobhanga be oyokodikobh kwe kopa. Oteke iwu nnebung pira no gbri k osohm kw Lazarus, kibyi s ivoka p ipaneng p Lazarus aning atika Jisos. Kogbe kw Jisos ore nwoka kw Lazarus kw okpen Mary otra abaju mboza chima obhom ameng, ke obra obhom otra. Obeni be b makoke ibyi s ma annonge. Obena aneng ma-beni be ma wonga epekwup, okwori emeng z ereng “Lazarus, yin kiyan!”

Ay: Mbengo? Odep…kotok f iwu nnebung s ma nonga oneng” Node

ch ifor k isoma.

Om: Iwo, okey…Martha kw obra ode nwoka kw Lazarus ogbakose

nwo adek. Okenaka, k oyina kw Jisus onengi, Lazarus oyin k epekwunp ndo oning akpen.

Ay: K nsera mina! Kogbe kw Ibinokpabyi osi oyoka-neng, otima

adongi p irek ose, okwu oje iwong se sakpen oke. Ke mokara be ophyibha Lazarus k obo. Ode otohmbok fe f idden nchibhi be iwawuna s adasoneng m bheki ito ka opoma. Nchibhi be mmafenofeni.

Oy: Ode mina, f oyini vonya. Jisos k okikeni ophybha aneng m abeni

k obo. Okenaka b ophibha Lazarus chika iwu nebung okwobha, osi aneng sabhada atori Jisos mabra a yere be ke ode okaan. Iwawuna s adaso p aju ibheki egbong-egbong maror eden ch mafe.

Ay: Okwosisidik…machibhi ose kw mafo oneng kwo orenga obabha

ose njibha? Opuma fabe ode be ode aneng atori  Jisus, makeka oneng makama kw motori be.

Om: Ayeng! K adima keronga. Ehe, m a chibhi mina. Ok enaka,

madiri nttem maninga ma yini Jisus abe of mafe.

Ay: k w oyini be masi a chibhi tema omana Jisos. Wa koneng okama

kw osi Jisus oronga f makemo? S m mafe kodik okkokka ra?

Oy: Emeng kabhome, ayeng. Jisus ode oneng kw oronga achibhi p

oyokaneng b- ipphir pira netem s nttem s abe. S majima odik kw wura nkiken mgbako? Be Jisus orokiman nwa kw Ibinokpaabyi okwu of ode nya otima ifor se ofona eja keso cha mppyibha s oyagbin

Ay: Ehe, k njima…enhe…

Oyama: Jisus k okiken oda akaneng Hospital kose kw maronga be

adaso p aju m a mine k ngbakka mafe. Obe ke m ophyibha ifor seyenik obo otong iwu itan. Nya eden ndo, Jisus odifor se otika obo kwe, be motima efa opphyibha s oyagbin b iphir.

Ay: Mappyibha s oyagbin biphir oyini be mppyibha sam itre ke tanga.

Omom: I wo, ayeng! Aminamba boban be mope k mppyibha s mosi.

Okenaka Jisos oteka-otoka k eso che, ote ifor se obok onenga ofoninja kw aju otima evaar che, odoso. Kw Rom, pontius pilate otima ofe. Ma were ekpo k ifor. Mateka obrakpa nwa apabhe kerin. Matina isidima asi ikpo akwubhe k e so. Ma me asa. Ma ppyike atabeng. Matteme nchi ma opyi b keng. Machike ifor marr ize iyin. Okwuri yen? Ayeng okwuri yen? Irem nja k amina k nso-cho otra cham. Mppyibha s amina, s motima mbok samina, ochen fami-na, m mok otra nttem samina osi. Kogbe kw k ire m njo ora mabra ateka mgbakka nja s ikidobha anenge bottoka. Matime akpanga abaha adenkpari p Jerusalem. Pira nnata m mine k mgbakka s eden so kogbeso kw okpen “Calvary”.

   

Keden ch Calvary oreng okwuri m e,oreng okwuri me, oreng okwuri me, ke den ch Calvary oreng okwuri me Jisos ope be ofa nanga.

Oyama: S mgbakka kereng Jisus ozi njohm be Ibinokpaabyi obina

onenga aneng pamine oteka okka oke John k mbok kwode okaneng kwe. Kokponganem gbe ogbak be ettem ke dira kotohm fotte otome be okwu osi, f orenga be okwu m oyagb in okwu teka ogbagba kwe oke k mbok s otte kw ipe mana-itor.

Ay: Haa! Benga akikoni kpen p ak eme ose. Nnekaeso cham.

Oy: Nnwa kw Ibinokpaabyi kw na eppyibha orong obheka eppyibha

 keso ch ayokaneng ofa tima ifor se ofona eja macha orokiman nwa kw Ibinokpaabyi, ofona eja ch ididaaka se onenga oyokaneng biphir. Okwuri ose now, eja edekodek kede ch oneng mobra ofoni ch megbobha oneng k mppyibha se. oneng odek orenga kw awuriji morenga ochina za Jerusalem pira owur. I ze s Jisus igbobhi mina k mppyibha samina biphir.

 
Ize s Jisus ka m isi nnanga, k a m isi n nanga, kam isi nnanga. 3 ice and  2ies nnanga kefa ch Satan… 

 Oy: Ayeng, ode ko mateka egbobha ch ize se k isisera, mina kw

mobina onengo k mppyi-bha so b iphir.

Ay: Ehe…ehe…k ize se ntaka.

Om: Kojibha! Okenaka, te ncheden ntra adik va nya kobo kw Jisus.

Ma nonga ofura kw Jisus k epekwup. Ch machibhi be akaneng pe l m afue ofu, masok asojaneng nya be mababha epekwup ndo. Matima otok fokot be odoso kw Rom ottima enona che nya epekwup ndo, abe nyaomakwup kw epekwup. Okenaka, Jisus ophyibha k obo. Paneng pa kwu, mare be eta ch matima abhen oma kw epekwup k ebunga epekwup eteje. Eyema okpakpa. Enya ch matima abhra Jisus che che dening 2 epekwup etanga. Jisus okema obo. Obo kw ake k ifor sese arengo, otra kwaneng p atore. Onwongi kw aneng p aser kake wo ma.

            Ettem elebh m ma ch Jisus ophyabhe k obe e, ettem elebh m

ma ch Jisus ophyabhe k obo oruk akpen.

Omem: Ode otok f obina oneng ifor be mmanga odik okwura obo otra

e phyebha ch Jisus. Nkam odidam k ettem cham etanga. Ode otok f oneng m isisera k ettem b mmanga be Jisus norebhaoreka k ettem b mmanga be Jisus norebha oreka obo, k irek nobra oninga odokk obheka adongi k obo kwe. Okenaka, te oningo odioko ode mbebho mbuma.

Oyama: Idiodioki sambengo? Mina rengo. Ettem etere elebh m olebh

cha abebha ambuma. Ode abebha ambuma, abhanga mpona, mina kw idik s kwura achibhi p Ibinokpaabyi m itano.

Oyama: O, enhe, ayeng ehe, ch ko phyibha k obo oning-o iwu

arebhafa. Aneng nebh kekaan-kekaan ar e e. k ogbo kw Jisus okoka akaanneng kwe nya kode. Ch ayok ateke be nk Jisus ara, Thomas koser omani abhak pe. Thomas nwa wode oneng kw ota ogbaka odik kw okwuri Jisos onenga aneng p India.

Om: Obanobana b aronga be k ogbe kw Jisus ope, akanneng pe

marebhi biphyir arike machubha. Ifor imem be biphyir. Okenaka, ch okoki be ifor se, majima idik s okpebhi be b iphyir. I for I bini be kereng. Mabra afona achina z adaso p aju pafo Jisus mateki be be,  Jisus wode okaan.

Ayeng: Odebh…obebh…nnori Jisus nwa o! nnori Jisus nwa kw ope

keso cham.

Oy: Achibhiokkokka. Tte mbra mgbako edik va be ko gbe kw iwu njo

arebhafa k ikwobha, Jisus otobha akann eng pe z ogbeso. Ch ochin z ereng. Ch maba nya otra ikikon; mabhanga emeng ch egbaki be idik s wa Jisus okpebhi be be ke mobra okpa nem okwu oteta aneng p ateka e macha oneng kw okama akpen pa be otra okaan kwabe. Okwuri ose nwo, ayeng, ko ofra obebh omana odebh m o di ifor k akpen p awurowur. Kose kw moteke, mobra oruk omane 2 obhon kw ereng marr kwuna ogbe ode.

             Okaan toka erima, okaan teka erima mgbode.